Аяғын жарақаттаған адамға қоқыстағы картоннан гипс салған

Аяғын жарақаттаған италиялыққа дәрігер қоқыстағы картоннан гипс салып берген.  30 жастағы Элия Натоли Сицилияда тұрады. Ол мотоциклден құлап, аяғын жарақаттаған. Алдымен ол отбасылық дәрігерге жүгініп, дәрігер дезинфекциялау құралы болмағандықтан, науқасты Паттидегі ауруханаға жіберген. Онда науқас бірнеше сағат бойы аяғы ауырып күткен. Содан кейін оған асық жілік шыбығы сынған деген диагноз қойылады. Ауруханада сынған аяқты тұрақтандыру үшін шиналар немесе гипс болмаған. Сондықтан дәрігерлер оғаш балама - қоқыс үйіндісінен картон қорапты алып, оның жіліншігіне таңғышпен байлап қойған, - деп хабарлайды Arbat.media.

Сосын Натолиді ортопедке көрін деп, үйіне қайтарған. Бірақ аяға таңылған картон бірден түсіп қалған.  Тек дәрігер досы мен гуманитарлық ұйымның көмегімен Элияға қалыпты шиналар мен гипс салынды.

Дүйсенбіде ол Мессинадағы жеке медициналық орталыққа барып, ақыры 200 еуроға дұрыс ем алды.

Сицилияның губернаторы Ренато Скифани «трагикомедия» оқиға үшін Элиядан кешірім сұрады.

Аурухананың жедел жәрдем бөлімінің меңгерушісі Патти қызметінен босатылды.

Бас дәрігерге қатысты тергеу жүргізіліп, аралдағы барлық ауруханада тексеру өткізуге бұйрық берілді.