Балтық жағалауы елдері Ресей мен Беларусь шекарасында қорғаныс шебін құруда

Балтық жағалауы елдері Ресей мен Беларусь шекарасында қорғаныс шебін құруда, - деп хабарлайды Arbat.media.
 
Литва, Латвия және Эстония қорғаныс министрлері алдағы жылдары Ресей Федерациясымен және Беларусь Республикасымен шекарада қорғаныс шебін салуға келісті, деп хабарлайды Эстония Қорғаныс министрлігі.

Қорғаныс құрылымдары әскери қауіп-қатерге тосқауыл қоюға және қажет болған жағдайда қорғауға тиіс.

Ресейдің Украинаға қарсы соғысы Эстонияны бір метрден-ақ қорғау үшін шекарада техника, оқ-дәрі және адам күшімен қатар физикалық қорғаныс құрылымы да қажет екенін көрсетті", дейді Эстония қорғаныс министрі Ханно Певкур.

Эстонияның Postimees газеті жазғандай, Таллин шығыс шекарасында 600-ге жуық бункер салуды жоспарлап отыр.
 
Қорғаныс министрлері сонымен қатар HIMARS зымыран-тасығыштарының көп реттік жүйесін бірлесіп пайдалану туралы келісімге қол қойды.