БАҚ: Ресей дрондары Румыния аумағына құлады
Ресейдің дрондары Румыния аумағына құлады. 24 шілдеге қараған түні Одесса маңындағы Украина портына шабуыл кезінде Ресейдің бірнеше ұшқышсыз ұшағы Румыния аумағына құлады. Бұл туралы украиналық қауіпсіздік және қорғаныс саласындағы дереккөздерге сілтеме жасап, Kyiv Post таратты, - деп хабарлайды Arbat.media.
Бұл мәліметтерге сәйкес, Одесса облысымен шекаралас аймақтағы Румыния аумағына ресейлік Шахед типті үш ұшқышсыз ұшақ құлаған.
«Камикадзе ұшқышсыз соққыдан болған жарылыстар Украина шекарасынан 7 шақырым жердегі Никулицель ауылының ауданында тіркелді», - деп жазады басылым.
Ұшақ құлағанын 57-ші Михаил Когальницану авиабазасының IAR-330 тікұшағының экипажы растады.
Жарылыстардан кейін тікұшақ ұшқышы өрт туралы хабарлады.
Румыния тарапы ресейлік ұшқышсыз ұшақтардың құлауы мүмкін деген ақпаратқа әзірге ресми түрде түсініктеме берген жоқ.
