Экс-босқын Нансен сыйлығының лауреаты атанды

БҰҰ Босқындар ісі жөніндегі Жоғарғы комиссар басқармасы Нансен атындағы сыйлықтың 2023 жылғы лауреаты журналист әрі бұрынғы босқын, білім алу құқығын қорғап, Кениядағы босқын балаларға 100 мыңнан астам кітап сыйлаған Абдуллахи Мире екенін жариялады, - деп хабарлайды Arbat.media.

<ұл туралы БҰҰ жаңалықтар сайты жариялады.

«Абдуллахи Мире - жер аударылған қауымдастықтарда әлемді өзгертетін идеялар туындай алатынына тірі дәлел», - деді БҰҰ-ның босқындар ісі жөніндегі Жоғарғы комиссары Филиппо Гранди.

Абдуллахи Мире Сомалиде дүниеге келіп, Кениядағы босқындар лагерінде өскен. Ол біраз уақыт Норвегияда тұрды, бірақ өз қауымдастығына қызмет ету ниеті оны Африка құрлығына қайтып оралуға итермеледі. Мире Кенияда журналист болып жұмыс істеп, онда Refugee Youth Education Hub ұйымын ашты. Бұл ұйым босқындар лагерьлерінде демеушілер сыйға тартқан кітаптарға толы үш кітапхана ашты, сондай-ақ осында көшірілген он мыңдаған баланың білім алуы үшін мүмкіндіктерді кеңейтті.

Әлемдік сыйлық 13 желтоқсан күні Женева қаласында Босқындар мәселелеріне қатысты Жаһандық форум барысында беріледі.