ЕО Армениямен визасыз режим туралы келіссөздерді бастайды

ЕО Армениямен визасыз режим туралы келіссөздерді бастайды. Бұл туралы Еуроодақ кеңесі мәлімдеді. «Кеңес Еурокомиссияның Армениямен визаны либерализациялау бойынша диалогты бастау ниетін құптайды», - делінген құжатта. Сонымен бірге, Ереван Еуроодақтың барлық қажетті критерийлерін толық орындаған жағдайда Армения мен Еуроодақ елдері арасындағы визалық режим жойылатынын, бұл бірнеше жылға созылуы мүмкін екенін атап көрсетеді, - деп хабарлайды Arbat.media.

Сонымен қатар, ЕО Кеңесінің сайтында Еуропалық Бейбітшілік қоры Арменияға алғаш рет 10 миллион еуро көлемінде әскери көмек бөлгенін атап өтеді.

Ол ел армиясының материалдық-техникалық әлеуетін нығайтып, армян әскерлерін еуропалық стандарттарға жақындатуы керек.

Ақпан айында Армения Ұжымдық қауіпсіздік шарты ұйымындағы (ҰҚШҰ) мүшелігін тоқтататынын мәлімдеді.

Бұл ретте елде Еуропалық Одақпен жақындасу туралы пікірталастар басталды.