Ердоған Швецияның НАТО-ға кіру ұсынысына қол қойды

Ердоған Швецияның НАТО-ға кіру ұсынысына қол қойды, - деп хабарлайды Arbat.media.

Енді құжатты Түркия парламенті ратификациялауы керек.

Швеция Түркиядан 17 ай бойы өтінішінің мақұлдануын күтті, деп жазады AFP.

Швецияның НАТО-ға кіру туралы өтінішін альянстың екі мүшесі – Түркия мен Венгрия әзірге мақұлдаған жоқ.

Будапешт өз тарапынан кешіктіруді Швеция елдер арасындағы «құрмет пен сенімді жою үшін барлығын жасап жатыр» деп түсіндіреді.

Атап айтқанда, Венгрия Сыртқы істер министрлігінің басшысы Петер Сиярто Стокгольмді Венгрияда «демократияның құлдырауы туралы» ақпарат таратты деп айыптайды.