Финляндияда төлемақы төлемеген ресейліктердің пәтерін тәркілемек

Yle мәліметтері бойынша, Финляндияның оңтүстік-шығыс және шығысында 1000-ға жуық тұрғын үй серіктестігі күрделі проблемаларды бастан кешіруде, өйткені Ресейден келген пәтер иелері мүшелік жарна мен басқа төлемдерді аудара алмайды, - деп хабарлайды Arbat.media.

Бірнеше тұрғын үй кешендері тіпті банкрот деп жариялауы немесе жылудан, энергиядан және судан айырылу қаупі бар.

Фин заңына сәйкес, кооператив үй иесі есепшотты төлемесе, үйді қайтарып алып, жалға бере алады, бірақ ол үшін алдымен үй иесіне жазбаша ескерту жасалуы керек.

Ресейлік меншік иелеріне қатысты жағдайда бұл жиі мүмкін емес, өйткені санкциялар мен экономикалық байланыстардың үзілуіне байланысты Ресейге құжаттарды жіберу қиынға соқты.

Yle газеті жақын арада Финляндия парламентіне ескертудің пошта арқылы емес, интернетте жариялануына мүмкіндік беретін заң жобасы ұсынылатынын жазды.

Әділет министрінің кеңесшісі Маркус Тервонен журналистерге: «Біз кез келген жағдайда иесінің осы мәселе бойынша ақпарат алуын қамтамасыз етуге тырысамыз», - деді.