Германия канцлері жаңа жеке аспаз іздеп жатыр

Германия канцлері өзіне жеке аспаз іздеп жатыр. Германия Федералдық канцлерінің кеңсесі Олаф Шольцтың жеке аспазының қызмет орны бос екенін жариялады, - деп хабарлайды Arbat.media.

Ол мемлекеттік іс-шаралар мен жұмыс кезіндегі тағамды гастрономиялық түрде ұйымдастыруы керек.

Талаптар тізбесіне салқын және ыстық тағам дайындау, тепе-теңдік пен әртүрлілікті, сондай-ақ маусымдық ерекшеліктерді ескере отырып ас мәзірі мен тамақтану жоспарларын жасау кіреді.

Үміткердің тамаша гастрономия саласындағы жоғары білімі және бірнеше жылдық тәжірибесі, сондай-ақ жақсы жалпы білімі және саясатқа қызығушылығы болуы керек.

Сонымен қатар, ол абсолютті құпиялылықты сақтауы керек.
 
Аспаздың болашақ жалақысы: салық төлегенге дейін айына 3 000-нан 3 700 еуроға дейін, оған қоса жаңажылдық сыйақы (жалақының 84%-ы), 220 еуро көлемінде министрлік қосымша, жұмыстан тыс уақыттағы қосымша 40 еуро және жол жүру ақысы.