Грекиядағы өрт: Қайық экипажының 11 мүшесі кепілмен босатылды

Persefoni I қайығының капитаны мен лейтенанты және экипаждың 11 мүшесі 21 маусымдағы Идра аралындағы өрт үшін тергеуші мен прокурордың келісімімен уақытша ұсталды, - деп хабарлайды Arbat.media.

Бұл туралы Kazinform агенттігі Euronews-ке сілтеме жасап жариялады.

Ал экипаждың 11 мүшесі ай сайын жергілікті полиция бөлімшесіне тіркеліп, елден кетуге тыйым салынып, кепілмен босатылды. Адвокаттардың айтуынша, экипаждың жеті мүшесі үшін 10 000 еуро, ал қалған төртеуіне 20 000 еуродан кепілдік берілген.

Істі қарау үшін Идра портының билігі жағалау күзеті қадағалайтын теңіз аймағында болған барлық қайықтан мағлұмат жинады, өйткені көрші шығанақтағы басқа кеменің куәгерлері өрт шыққан аймақтағы қайықтан отшашу атылды деп шағымданған.

Соңғы мәліметтер бойынша, яхта капитаны яхтадан ешқандай отшашу атылмағанын және барлық теңіз сигналдық зымырандары орнында болғанын және өзі өрт сөндіру бөліміне өрт туралы хабарлағанын айтуда.

Грекияның климаттық дағдарыс жөніндегі министрі Василис Кикилиастың хабарлауынша, жұма күні шыққан өрт Афинаның оңтүстігіндегі әйгілі туристік аралдағы жалғыз қарағайлы орманның 300 шаршы метрін шарпыған.