Грузия басшысы шетелдік агенттер туралы заңға вето қойды

Грузия президенті Саломе Зурабишвили  үшінші оқылымда қабылдаған «Шетелдік ықпалдың ашықтығы туралы» заңға вето қойғанын мәлімдеді, - деп хабарлайды Arbat.media.

Бұл туралы ТАСС жазды.

– Бұл вето заңды түрде дұрыс және бүгін парламентке ұсынылады», - деді Зурабишвили брифингіде сөйлеген сөзінде.

14 мамырда Грузия парламенті «Шетелдік ықпалдың ашықтығы туралы» заңды үшінші оқылымда қабылдады. Бұл елдің Еуропалық Одаққа интеграциялануын тоқтату қаупі туралы ЕО-ның қатаң мәлімдемелерін тудырды.  Заң қабылданбай тұрып-ақ Зурабишвили оған вето қоятынын айтқан. Президент мұны 28 мамырға дейін атқаруы керек еді.

Бұған дейін Грузия премьер-министрі Ираклий Кобахидзе егер президент ұсынған уәжді ескертулер қолайлы болса, парламент вето қоюды қолдай алады деп мәлімдеген.

Негізінен «Шетелдік ықпалдың ашықтығы туралы» заң жобасын қарау сәуір айында басталған еді.

Содан бері Грузияда ауқымды наразылықтар өтіп жатыр. Заңға сондай-ақ АҚШ, ЕО, БҰҰ, НАТО, ЕҚЫҰ және Еуропа Кеңесі қарсы.

Өз кезегінде еуропалық көшбасшылар аталған заң еуропалық құндылықтарға қайшы келетінін айтып отыр.

Грузияның билеуші ​​партиясының жетекшілері бұл тек үкіметтік емес сектор мен БАҚ-ты шетелден қаржыландырудың ашықтығын қамтамасыз ету мақсатына қызмет етеді деп мәлімдеді.