Иван Жданов: Навальныйдың жоғалуы — Кремльдің стратегиясы

Иван Жданов Навальныйдың жоғалуы туралы "бұл Кремльдің стратегиясы" деп мәлімдеді, - деп хабарлайды Arbat.media.

ФБК директоры Иван Жданов DW арнасына берген сұхбатында оппозициялық саясаткер Алексей Навальныйдың кенеттен жоғалып кетуі Ресей Федерациясында президенттік науқанның басталуымен тікелей байланысты екенін айтты.

«Әрине, Кремль мен колония әкімшілігі біздің науқанымызды 7 желтоқсанда, сайлау басталардан 100 күн бұрын бастағанымызды білді», - деді ол.

Сондай-ақ Жданов Навальный туралы ақпаратқа сыйлық жариялағанын айтып, қазір ФБК-ға көптеген хаттар түсіп жатқанын, олар жиі бір-біріне қайшы келетінін, бірақ ешқайсысында тексеруге болатын ақпарат жоқ екенін айтты.

Еске салсақ, желтоқсанның 5-інен бері 19 жылға бас бостандығынан айырылған оппозиция жетекшісі Навальныйдың қайда екені мен денсаулық жағдайы туралы ақпарат әлі жоқ.