Израиль әскері Рафахты басып алуға кірісті

Израиль әскері Рафахтан жергілікті тұрғындарды эвакуациялауда. Қалаға шабуылға дайындық басталып кетті, - деп хабарлайды Arbat.media.

Израиль үкіметі бұл қаланы Хамастың Газа секторындағы соңғы тірегі деп санайды.

Қазір онда 1,2 миллионға жуық палестиналық бар.

Рафах сонымен бірге 2023 жылдың 7 қазанында Израильге шабуыл жасалған күні тұтқынға алынған израильдіктерді кепілде ұстайды деп есептеледі.

Эвакуация Рафахтағы әскери операцияға дайындық кезінде жүргізілуде.

Одақтастар Израильді көптеген бейбіт тұрғындар шығынынан қорқып, қалаға шабуылын тоқтатуға шақыруда.

Израиль өз жоспарынан бас тартқысы келмейтінін айтады.

Бұған дейін Каирде Израиль мен Хамас лаңкестері арасында атысты тоқтату және палестиналық тұтқындарға айырбас ретінде кепілге алынғандарды босату туралы жанама келіссөздер жүргізілген болатын.

Бірақ олар нәтижесіз аяқталды.