Израиль оппозициясы БҰҰ Бас хатшысын айыптады
Израиль оппозициясының жетекшісі БҰҰ Бас хатшысын антисемитизммен айыптады, - деп хабарлайды Arbat.media.
Яир Лапид БҰҰ Қауіпсіздік кеңесінде Антониу Гутерриштің әрекетін қатаң сынға алды.
Бір күн бұрын ұйымның Бас хатшысы Қауіпсіздік кеңесіне Газа секторындағы жағдайдың халықаралық бейбітшілік пен қауіпсіздікке қатер төндіруі мүмкін екенін ерекше атап көрсетті.
Бұл үшін Гутерриш БҰҰ Жарғысының 99-бабына жүгінді, бұл 30 жылда алғаш рет болды.
БҰҰ басшысы Газа секторында гуманитарлық атысты тоқтатуға шақырып, анклавтағы гуманитарлық жүйенің күйреу қаупі бар екенін ескертті.
Лапид Сирияда 500 мың, Конгода 4 миллион, Суданның Дарфурында 450 мың, Ресейдің Украинаға қарсы соғысында он мың адам қаза тапқанда БҰҰ-да 99-баптың қолданылмағанын атап өтті.
"Біздің балаларымызды қатыгез лаңкестер өлтіріп, халқымыз кепілге алынғаннан кейін Израиль өзін қорғаған кезде ғана БҰҰ Бас хатшысы ХАМАС-қа көмектесу үшін 99-бапты қолдануды ұйғарады. Неліктен біз оның антисемитизм екеніне сенімдіміз? Өйткені бұны басқаша түсіну мүмкін емес», - деп жазды израильдік оппозиция жетекшісі Х әлеужелісіне.
