Израиль: ХАМАС көшбасшысы Яхья Синвар Газада өлтірілді

Израиль шенеуніктері мен ЦАХАЛ ХАМАС көшбасшысының көзі жойылғаны туралы ақпаратты растады. ХАМАС көшбасшысы Яхья Синвар Газа секторындағы арнайы операция кезінде өлтірілді. Бұл туралы Израиль шенеуніктері мен ЦАХАЛ хабарлады. Израиль барлау агенттігінің хабарлауынша, топтың басшылары жасырынған жерде айқас болған. Бірақ Синвармен қақтығыс «кездейсоқ» болғаны айтылады, - деп хабарлайды Arbat.media.

Соққы нәтижесінде үш содырдың көзі жойылды. Бұқаралық ақпарат құралдарының хабарлауынша, олардың бірі Синварға «өте ұқсас» болды және оның денесі Израильге ДНҚ сараптамасына жіберілді, - деп жазады Kazinform агенттігі Еuronews-ке сілтеме жасап.

Яхья Синвар Израиль іздеген террористер тізімінің жоғарғы жағында болды. Оны еврей мемлекетінің билігі 2023 жылғы 7 қазандағы террористік шабуыл жоспарына жауапты деп санайды. Ол тамыз айында Тегеранда өлтірілген Исмаил Ханияның лаңкестік тобының жетекшісі болды.

Бұған дейін бірқатар БАҚ Палестина радикалды ХАМАС қозғалысы Саяси бюросының басшысы Яхья Синвардың тірі екенін және ұзақ үнсіздіктен кейін байланысқа шыққанын хабарлаған болатын.