Израильдің «Евровидение» байқауына дайындаған әні күмән тудырды

Израильдің «Евровидение» байқауына қатысуы әннің саяси мазмұнына байланысты күмән тудырды, - деп хабарлайды Arbat.media.

Израильдік Ynet басылымы Евровидениенің ұйымдастырушылары әнші Эден Голанның «Октябрь жаңбыры» әнін саяси санатқа жатқызып, сондықтан оны дисквалификациялау мүмкіндігін қарастырып жатқанын хабарлады.

Ән өткен жылдың 7 қазанында ХАМАС содырлары жасаған Израильдегі қырғын туралы айтады. Теракт салдарынан 1200-ден астам адам қаза тауып, тағы 250-ге жуық адам кепілге алынған.

Жергілікті БАҚ-тың хабарлауынша, Израильдің қоғамдық телеарнасы Kan әннің мәтіні Израильге конкурсқа қатысуға шығын болса да өзгермейтінін алға тартады.

Бұған дейін «Евровидение» ұйымдастырушылары, мысалы, Газа секторындағы соғысқа байланысты швед өнерпаздары талап еткен Израильді алып тастауға қарсы болған.

«Евровидение» командасы байқаудың саясаттан тыс қалуы керектігін алға тартады.