Крокус-Ситидегі атыс: Путин лаңкестік әрекеттер туралы ескертулерді «ашық бопсалау» деп атады

Ең ірі сауда-көрме бизнес орталығындағы терактіден бірнеше күн бұрын Ресей президенті Владимир Путин алдағы шабуылдар туралы ескертулерді «ашық бопсалау» деп атады, - деп хабарлайды Arbat.media.

Путин ФСБ алқасында айтқанындай, Батыстың бірқатар ресми құрылымдарының ықтимал лаңкестік әрекеттер туралы мәлімдемелері «арандатушылық» болып табылады.

Мұның бәрі тікелей бопсалау мен қоғамымызды қорқытып, тұрақсыздандыру ниетіне ұқсайды», - деді Путин 19 наурызда.

Естеріңізге сала кетейік, АҚШ-тың Ресейдегі елшілігі экстремистер жақын арада Мәскеуде терактілер жасамақшы деп хабарлаған болатын.

Елшілік адамдар көп жиналатын жерлерден аулақ болуға, бұқаралық ақпарат құралдарындағы жаңалықтарды қадағалап отыруға және «айналаңыздан хабардар болуға» шақырды.

22 наурызда белгісіз біреулер Ресейдің ірі сауда көрмесі мен іскер орталығында оқ жаудырған.

Соңғы мәліметтер бойынша, кем дегенде 15 адам қаза тапты.

Жараланғандар саны 130 адамға жетті.