Макрон Ресейге Олимпиада кезінде Украинада атысты тоқтатуды ұсынбақ

Макрон Ресей Федерациясына Олимпиада ойындары кезінде Украинада атысты тоқтатуды ұсынбақ. Бұл туралы француз президенті украин журналистеріне берген сұхбатында айтты, - деп хабарлайды Arbat.media.

Макрон тағы не айтты?

Украинаны қолдау туралы:

«Кремль режиміне қатысты менің аңғалдығым жоқ... Ресей бұл соғыста жеңе алмайды және жеңбеуі де керек. Біздің мақсатымыз – Еуропаға тұрақты бейбіт өмірді қайтару, бұл Украинаға өзінің аумақтық тұтастығын толық қалпына келтіруге мүмкіндік беретін бейбітшілік пен егемендік».

Владимир Путинмен келіссөздер туралы:

"Егер Путин қоңырау шалса, мен телефонды аламын. Бұл менің жауапкершілігім, мен оның не ұсынатынын тыңдаймын".

Сонымен бірге, Макронның айтуынша, келіссөздер тек соғысушы екі елдің басшыларының қатысуымен ғана мүмкін.

Украинаға жауынгерлерді жіберу мүмкіндігі туралы:

"Біз эскалация жолына түспейміз, өйткені бізге тағы бір соғыс қажет емес. Бірақ бізде шектеу жоқ деп айтуға дайынбыз. Және Ресейдің әрекетіне қарай әрекет етеміз».

Ресейдегі президенттік сайлауды тану туралы:

Макрон Ресейдегі президенттік сайлаудың нәтижелерін мойындай ма деген сұраққа тікелей жауап бермеді, бірақ Ресей түрмелерде қарсыластарын өлтіретін және көрші елмен соғысатын авторитарлық режимді елге  айналғанын атап өтті.

Шольцпен келіссөздер туралы:

«Менің ойымша, канцлер Шольцпен Парижде 26 ақпанда қабылданған бастамаларға қатысты ортақ пікірге келеміз».

Содан кейін 20-ға жуық мемлекеттің Украинаға көмек көрсету жөніндегі отырысында, Макронның айтуынша, Германия Украинада әскери техниканы өндіру және қызмет көрсету бойынша үлкен міндеттемелерді алды.

Ол, сондай-ақ, Германияның Украинаны ұзақ қашықтықтағы қару-жарақпен қамтамасыз ету үшін жаңа коалиция құруда маңызды рөл атқаратынын атап өтті.