Миллиардер Билл Акман Трампты қолдайтынын мәлімдеді

Миллиардер Билл Акман қастандықтан кейін президенттік бәсекеде Трампты қолдайтынын мәлімдеді.  «Мен Трампты ресми түрде қолдаймын деп сендіремін, мен бұл шешімді мұқият, ұтымды және мүмкіндігінше көп дерекке сүйене отырып қабылдадым», - деп жазды Pershing Square Capital Management негізін қалаушы және бас директоры X әлеуметтік желісінде, - деп хабарлайды Arbat.media.

Бұл шешім миллиардердің Трамппен қарым-қатынасында өзгерісті білдіреді.

2021 жылы Трамп жақтастары АҚШ Капитолийіне шабуыл жасағаннан кейін Акман Трамп «отставкаға кетіп, барлық америкалықтан кешірім сұрауы керек» деген еді. 

«Мен бұл шешімді біраз уақыт бұрын қабылдадым, өйткені менің көптеген ізбасарым Байденді сынаған және Трампты қолдайтын жазбаларымнан байқаған болар», - деп жазды Акман.

Бұған дейін миллиардер Илон Маск Трамптың науқанына «қомақты сома» жұмсамақшы екені хабарланған болатын.

Қастандық әрекетінен кейін ол Трамптың «тезірек сауығып кетуіне» үміт білдірді.