Прагада украиндық еріктілерге шабуыл жасаған орыстілді туристер ұсталды

Прагада украиндық еріктілерге шабуыл жасаған орыстілді туристер ұсталды. Оқиға Ескі қала алаңында болған. Бірнеше жылдан бері ол жерде демалыс күндері еріктілер Украинаға көмектесу үшін ақша жинап, өтіп бара жатқандармен соғыс туралы әңгімелесетін Прага Майданының шарасы өтіп жатыр. Әлеуметтік желілерде бір топ орыстілді ерлер мен әйелдердің еріктілерге шабуыл жасағаны түсірілген видео тарады. Бір кезде видеодағы адам неміс тілінде орысша акцентпен неміс екенін айтады, - деп хабарлайды Arbat.media.

«Орыс тілді туристер біздің стендке шабуыл жасап, еріктілерімізді - чехиялық және украиналық студенттерді жарақаттады, өкінішке қарай, оларды қолдайтын немесе көмектесетін ешкім болмады», - деді журналистерге акцияны ұйымдастырушы Галина Андрейцив.

Оның айтуынша, бұған дейін Прага Майданының белсенділері оларға қарсы қоқан-лоққыларға тап болған.

Шабуыл жасады деген күдіктілер Прага әуежайында ұсталды.

Олардың азаматтығы әлі жарияланған жоқ.

Прага полициясы бірнеше қылмыстық құқық бұзушылық жасады деген күдікпен іс қозғады.