Путин Меркельді 70 жас мерейтойымен құттықтамады

Путин Меркельді 70 жасқа толған мерейтойымен құттықтаған жоқ. Ресей президентінің баспасөз хатшысы Дмитрий Песков Владимир Путин Германияның бұрынғы канцлерін мерейтойымен құттықтайды ма деген сұраққа «Менің білуімше, бұған қатысты ешқандай жоспар жоқ», - деп жауап берді, - деп хабарлайды Arbat.media.

Соңғы рет Ангела Меркель Путинге 2021 жылдың соңында отставкаға кетер алдында телефон соққан, деп еске алады dpa агенттігі.

Песковтың айтуынша, «соңғы жылдары байланыс болған жоқ».

2005-2021 жылдар аралығында билікте болған Меркель Кремль басшысымен шамамен 30 рет кездескен.

Сыншылар Меркельді Ресейге тым жұмсақтық танытып, Германияның ресейлік энергетикаға тәуелділігі артып отырғанына және 2014 жылдан бері Ресейдің Украинаға агрессиясына, оның ішінде Қырымды заңсыз аннексиялап алғанына қарамастан, Мәскеумен экономикалық байланыстарды нығайтуды жалғастырды деп айыптайды.

Ресейдің Украинаға жаппай басып кіруі басталғаннан кейін бұрынғы канцлер бұл агрессияны айыптады, бірақ оның бұрынғы дипломатиялық күш-жігерін қорғап сөйледі.