Қалыпты реформатор Масуд Пезешкиан — Иранның жаңа президенті

Қалыпты реформатор Масуд Пезешкиан Иранның жаңа президенті болады. Елдегі президенттік сайлаудың екінші кезеңінде Пезешкиан исламдық консерватор Саид Джалилиді 3 миллион дауыс айырмашылығымен жеңді. Жаңа президент Батыспен қарым-қатынасты жақсартып, ирандықтардың бостандығын кеңейтуге уәде берді, - деп хабарлайды Arbat.media.

Бұл туралы DW жариялады.

Ол АҚШ-пен қарым-қатынасты жақсартуды және әйелдердің бостандығын, соның ішінде хиджаб киюден бас тартуды жақтады.

Сонымен бірге Пезешкиан өз елінде соңғы сөзді айтатын Иранның рухани көсемі аятолла Әли Хаменеиге адалдығын баса айтады.

Әлеуметтік желілерде Пезешкян жақтастарының қала көшелерінде билеп жатқаны, көлік жүргізушілерінің сигналдарын естіп, шаттанғанын көрсететін видеолар жарияланды.

Еске салсақ, Иранда мерзімінен бұрын президент сайлауы 19 мамырда тікұшақ апатынан бұрынғы президент Эбрахим Раиси қайтыс болғаннан кейін өтті.

Суретте: Масуд Пезешкян (ортада) және оның сайлаушылары