Ресейде YouTube жүктеу жылдамдығы 70%-ға төмендеуі мүмкін

Ресейде YouTube жүктеу жылдамдығы 70%-ға төмендеуі мүмкін. Бұл туралы Мемлекеттік Думаның Ақпараттық саясат жөніндегі комитетінің басшысы Александр Хинштейн өзінің Telegram-каналында жазды. Оның айтуынша, жақын күндері стационарлық компьютерлерде YouTube-ті жүктеу жылдамдығы 40%-ға, ал келесі аптаның соңына қарай – 70%-ға төмендеуі мүмкін, бұл шара әзірге ұялы байланысқа әсер етпейді, - деп хабарлайды Arbat.media.

Хинштейн видеохостинг жұмысын бәсеңдету ресейлік қолданушыларға емес, YouTube әкімшілігіне қарсы бағытталған «мәжбүрлі қадам» деп жазады, осылайша Ресей билігі бейнехостинг жұмысына әсер етуге тырысып жатқанын жанама түрде мойындайды.

Мемлекеттік Думаның депутаты, сондай-ақ, Ресейдегі YouTube-тің шектелуін «антиресейлік хостинг саясатымен» байланыстырады.

Ресейде YouTube-тің ауқымды баяулауы 12 шілдеде басталды - содан кейін Ростелеком мұны ескірген Google жабдығымен байланыстырды.

Сол күні Путиннің баспасөз хатшысы Дмитрий Песков Ресей Федерациясында YouTube жұмысына тосқауыл қою жоспарының бар екенін жоққа шығарды, ал ресейлік Gazeta Ru басылымы бұл қызмет қыркүйектің басында бұғатталуы мүмкін екенін хабарлады.

Бұған дейін сарапшылар DW арнасына Ресей билігінде видеохостингті толығымен бұғаттау үшін барлық техникалық құрал бар екенін айтқан.