Словакияның премьер-министрі Украинаны толық қолдайтынын мәлімдеді

Словакияның премьер-министрі Украинаны толық қолдайтынын мәлімдеді.  Украина премьер-министрі Денис Шмыгальдың айтуынша, Украина мен Словакия үкіметтері 11 сәуірдегі келіссөздер барысында екіжақты ынтымақтастықты тереңдетуге келісті. Словакияның премьер-министрі Роберт Фицо Украинаның ЕО-ға тез арада қосылу талпыныстарына қолдау көрсетуге уәде берді, - деп хабарлайды Arbat.media.

Словакия Украинаның аумақтық тұтастығы мен егемендігін жақтайды, ресейлік агрессияны айыптайды және біздің еуропалық интеграциялық ұмтылыстарымызбен ынтымақтасады. Келіссөздердің негізгі тақырыптары энергетика, Украинаны саяси қолдау, сауда және елді қалпына келтіру болды, деп жазды Шмыгаль.

Айта кетсек, ресейшіл саясаткер болып саналатын Словакияның жақында сайланған премьер-министрі Роберт Фицо сайлауалды науқаны кезінде Украинаға қару-жарақ беруді тоқтату ниеті туралы мәлімдеген еді. Наурызда Словакия мен Венгрия Украинаға снаряд жеткізуден бас тартқан болатын.