Швеция НАТО-ның 32-ші мүшесі болды

Швеция премьер-министрі Ульф Кристерссонның Вашингтонға сапары барысында АҚШ Мемлекеттік хатшысы Энтони Блинкен Швецияның НАТО-ға қабылданғанын растайтын ратификациялық құжаттарды салтанатты түрде қабылдады. Дүйсенбі күні альянстың Брюссельдегі штаб-пәтерінде Швеция туы көтеріледі, - деп хабарлайды Arbat.media.

Альянс Бас хатшысы Йенс Столтенберг: "Бұл тарихи күн. Швеция НАТО үстелінде өзінің лайықты орнын алады, саясат пен шешім қабылдауда тең пікірге ие болады. 200 жылдан астам қосылмау мәртебесінен кейін Швеция қазір НАТО қорғауында", - деді.

Швеция премьер-министрі АҚШ президенті Джо Байденнің жыл сайынғы Жолдауына да қатысады.

Украинадағы соғысқа дейін Швеция мен Финляндия НАТО-ға кіруден аулақ болды.

Ресей Швецияның Солтүстік Атлантикалық альянсқа кіруіне «қарсы шараларды» қабылдауға уәде берді, әсіресе егер елде одақтас әскерлері орналасса.