Түрік билігі Хамас жетекшісінен елден кетуді сұрады

Түрік билігі Хамас жетекшісінен елден кетуді сұрады, - деп хабарлайды Arbat.media.

Бұл туралы Al-Monitor жазды. Америкалық басылымның хабарлауынша, Анкара бірнеше жылдан бері негізінен Түркия мен Катар арасында көшіп-қонып жүрген Хамас саяси жетекшісі Исмаил Ханияға «сыпайы түрде есікті көрсетті».

7 қазанда лаңкестік топтың Израильге шабуылы кезінде Хания да Түркияда болды, деп хабарлайды Al-Monitor.

Дәл сол кездегі оның әрекеті Анкараның наразылығын тудырды. Әлеуметтік желілерде Хания мен Хамастың басқа өкілдері шабуыл туралы жаңалықтарды көріп отырып, «алғыс дұғасында» тізе бүккен видео пайда болды.

Түрік тарапы Ханияның орынбасары Салех әл-Аруридің ХАМАС шабуылы күні журналистермен сұхбатында оның нәтижелері туралы «мақтанып» айтқан сөздеріне де ашуланды.

Анкара бірқатар елдерде лаңкестік топ деп танылған ХАМАС жетекшісінің Түркияға емін-еркін келуіне қатысты ұстанымының өзгергенін ресми түрде жариялаған жоқ.

21 қазанда Түркия президенті Режеп Тайып Ердоған Ханиямен телефон арқылы сөйлесіп, онда Анкараның атысты тоқтатуға қол жеткізу әрекеті мен Газа секторына гуманитарлық көмек жеткізуі туралы айтты.