Түркия: Измирде жарылыс болып, 5 адам қаза тапты

Түркияның Измир провинциясының Торбалы ауданындағы мейрамханада болған жарылыс салдарынан алдын ала мәлімет бойынша бес адам қаза тауып, тағы 57 адам жарақат алды. Өрт сөндірушілер Айранджилар орамында орналасқан мейрамханадағы өртті сөндірді. Зардап шеккендердің кейбірінің жағдайы ауыр, - деп хабарлайды Arbat.media.

Бұл туралы АЗЕРТАДЖ ақпарат агенттігі жазды. 

Түркия Әділет министрлігінің басшысы Йылмаз Тунч әлеуметтік желіде хабарлағанындай, жергілікті уақыт бойынша сағат 14:43-те болған қайғылы оқиғаның себептері анықталып жатыр.

Измир губернаторы Сүлейман Эльбан айналадағы 11 ғимараттың зақымдалғанын айтты.

Билік өкілдері оқиғаға газдың жарылуы себеп болғанын жоққа шығармайды.