"Түркияны жақсы көрсе, Германияда неге тұрады?". Неміс саясаткерлері түрік жанкүйерлерін сынады

«Бұл адамдар Түркияны жақсы көрсе, неліктен Германияда тұрады? деп, неміс саясаткерлері түрік футбол жанкүйерлерінің әрекетін сынға алды, - деп хабарлайды Arbat.media.  

Бір күн бұрын Түркиямен футболдан жолдастық кездесуде Германия құрамасы 3:2 есебімен жеңіліп қалды. Алайда бұл ойынды талқылаудың басты себебі есеп емес, Берлиндегі Олимпиада стадионына жиналған түрік жанкүйерлерінің әрекеті болды.

Әуелі түрік жанкүйерлері Германия құрамасының түрік капитаны Илкай Гүндоғанға аяусыз ысқырды. Ойыннан кейін олар түрік ұлтшылдық ұрандарын айтып, Берлин көшесінде жүріп өтті.

«Германияда туып-өскен адамдар Германиядағы халықаралық матчта неміс командасына қарсы ысқырса, бұл бәрімізге ауыр тиетін шығар. Бұл тағы да интеграциялық саясаттың сәтсіздіктері мен кемшіліктерін көрсетеді», - деп түсіндірді Бундестагтың Еркін демократиялық партиясының депутаты Бижан Жир-Сарай.

Солтүстік Рейн-Вестфалия парламентіндегі Германияның Христиан-демократиялық одағының мүшесі Грегор Голланд та онымен келіседі.

«Бұл адамдар Түркияны және оның президентін әлі де жақсы көрсе, неліктен Германияда тұрады? Олар мұнда өз еркімен тұрып жатыр, бірақ интеграцияға әлі дайын емес. Біз, сайып келгенде, көші-қонның әлеуметтік ынталандыруларын айтарлықтай төмендетіп, оның орнына өз елімізге, оның басым мәдениеті мен құндылықтарына көбірек берілгенін талап етуіміз керек!» - деді Грегор Голланд.

Интеграция мәселесінің маманы Эрен Гюверчин Түркия президенті Режеп Тайып Ердоған футболды үгіт-насихат құралы ретінде пайдаланып жатыр деп есептейді.

«Ердоғанның партиясы диаспораға қатысты агрессивті, ұлтшыл саясаты арқылы Германиядағы түрік қауымдастығына көп жылдар бойы ықпал етуге тырысып келеді. Спорт және әсіресе Озил сияқты бұрынғы футбол жұлдыздары көптеген диаспора саясаткерлері арасындағы құралдардың бірі болып табылады », - деді Гюверчин.

ФОТО: bild.de/