"Вагнерде" қызмет еткен әскер Уфа тұрғынын зорлаған

"Вагнерде" қызмет еткеннен кейін рақымшылыққа ұшыраған әскер Украинадағы соғыстан оралып, уфалық тұрғынын зорлаған, - деп хабарлайды Arbat.media.

ASTRA агенттігінің хабарлауынша, Уфада "Вагнердің" бұрынғы жауынгері, 25 жастағы Олег Михайлов ұсталды.

Михайлов мектептен бастап адамдарға шабуыл немесе ұрлық жасайды.

Мәселен, 2012 жылы 22 маусымда Олег небәрі 14 жаста болғанда көшеде келе жатқан қыздың қолынан телефон ұрлап кеткені үшін ұсталған.

2016 жылы 25 желтоқсанда Михайлов 18 жаста болғанда Уфа тұрғыны Станислав Нафиковты ұрып-соққаны үшін ұсталған.

2017 жылы бөтен адамға пышақ жарақатын салған.

Ал 2022 жылы Олег Михайлов кісі өлтіргені үшін 18 жылға бас бостандығынан айырылды.

Дегенмен 18 жыл отырудың қажеті болмады, 2022 жылы ол "Вагнерге" қабылданып, Украинадағы соғысқа жіберілді.

2023 жылы сәуірде Путин Михайловқа рақымшылық жасады.

2023 жылдың 5 қарашасында Михайлов Уфа қаласындағы дүкеннің бірінен 24 жастағы таныс қызын алып қашып, үйіне әкеліп сексуалдық сипаттағы зорлық-зомбылық әрекет жасаған.

Полицейлер қызды пәтерден алып шықты.

Олег Михайловқа адам ұрлау және сексуалдық зорлық бойынша қылмыстық істер қозғалды.