Венесуэлада наразылық білдірушілер Уго Чавестің ескерткіштерін құлатты

Венесуэлада наразылық білдірушілер Уго Чавестің ескерткіштерін құлатты.  Президент сайлауының қорытындысы жарияланған соң елде жаппай наразылық басталды. Шерушілер бұған дейін Венесуэланы он жылдан астам басқарған және оның мұрагері ретінде Николас Мадуроны таңдаған марқұм социалист Уго Чавестің кем дегенде екі мүсінін құлатты, - деп хабарлайды Arbat.media.

Ел астанасы Каракаста демонстранттарға кәдуілгі киім киген адамдар оқ жаудырды.

Атқыштар Мадуро үкіметі қолдайтын әскерилендірілген топтардың мүшелері болуы мүмкін, деп атап өтті dpa агенттігі.

Наразылық акциясы салдарынан кем дегенде бір адам қаза тапты.

Бұған дейін оппозициялық коалиция үкімет бақылайтын Ұлттық сайлау кеңесі жариялаған сайлау нәтижелерін мойындамайтынын мәлімдеген.

Ресми мәлімет бойынша, Мадуро 51 пайыздан сәл астам дауыс жинаса, оппозициялық кандидат Эдмундо Гонсалес 44 пайыз дауыс жинаған.

Оппозиция келтірген тәуелсіз экзит-полл мәліметтері бойынша, Гонсалес 73 пайыз жинаған.

Бұған дейін Мадуро үкіметі Латын Америкасының жеті еліндегі дипломаттарын президенттік сайлау нәтижелерімен келіспеушіліктеріне байланысты шақырып алып, сол арқылы бұл үкіметтердің Венесуэладағы сайлау нәтижелерін қайта қарау талабына наразылық білдірген болатын.