Венесуэлада жер сілкінісінен қанша адам опат болды?
Венесуэлада маусым айының соңында болған жойқын жер сілкіністерінен қаза тапқандар саны 6 125 адамға жетті, деп хабарлайды Arbat.Media.
Бұл туралы ел Ұлттық ассамблеясының төрағасы Хорхе Родригес мәлімдеді.
Ресми мәліметке сәйкес, табиғи апат салдарынан 60 мыңнан астам адам медициналық көмекке жүгінген. Құтқарушылар үйінділерді тазарту жұмыстарын жалғастырып жатыр, алайда әзірге қираған ғимараттардың шамамен 16,5%-ы ғана тазартылған. Бұл іздестіру-құтқару жұмыстарының әлі де жалғасып жатқанын көрсетеді.
Жер сілкінісі елдің солтүстік жағалауындағы бірнеше өңірге, әсіресе Ла-Гуайра штатына ауыр соққы болды. Мыңдаған тұрғын баспанасыз қалып, көптеген ғимарат толықтай қираған. Сарапшылардың бағалауынша, табиғи апаттан келген материалдық шығын 19,6 миллиард АҚШ долларына жетуі мүмкін.
