Жапондар адамға донор болатын торай өсірді

Жапондар адамға донор болатын торай өсіріп, донорлар клондау және гендік түрлендіру арқылы алынды, - деп хабарлайды Arbat.media.

Бұл жөнінде Мэйзи университеті мәлімдеді, деп жазады Tanym Media телеграм арнасы.

“Үш торай 11 ақпанда дүниеге келді. Енді тағы да зерттеу үшін медицина мекемелеріне жеткізіледі” - делінген хабарламада.

Ағзасы трансплантация үшін қолданылатын шошқалар – кәдімгі жануар емес, гендік модификация жасалған клондар. Олардың әрқайсысы жасуша ядросын ауыстыру көмегімен өндіріледі. Жануар-донор адамның иммундық жүйесі қабылдайтындай, арнайы параметрлерге сәйкес келуге тиіс.

Ғалымдар ГМ торайларда шошқада болатын вирустардың ізін алдын ала жойып (өшіріп) тастаған.

Клондауға арналған технология мен материал АҚШ-тан алыныпты.

Америкада бұған дейін адамға шошқа жүрегін салып, трансплантация жасалған.

Әлем елдерінде донор-ағзаға сұраныс өте көп.

Жапонияда мысалы, мұқтаж адамдардың 3 пайызы ғана донор-ағзаға қол жеткізе алады.

Сондықтан да алғашқы донор-шошқалардың пайда болуы – көптен күткен ғылыми жаңалық.

Жобаны Мэйзи университетіндегі Pol Med Tech мекемесі америкалық eGenesis биотехнология компаниясымен бірлесіп жүргізеді.

Айта кетсек, Қазақстанда 4 мыңға жуық адам донорға мұқтаж.