113 капсула есірткі жасырып, Қазақстанға алып өтпек болған ирандық жігіт 10 жылға сотталды
Маңғыстау облысында Иран азаматы есірткі контрабандасы үшін 10 жылға сотталды. Кәмелетке толмаған жасөспірім Қазақстанға бір келіден астам есірткі затын асқазанында жасырып алып өтпек болған, деп хабарлайды Arbat.Media.
Сот анықтағандай, 2026 жылдың мамырында жасөспірім Ираннан Горган – Ақтау бағыты бойынша әуе рейсімен Қазақстанға келген. Ол есірткіні тасымалдаудың аса қауіпті тәсілін қолданған. Жасөспірім жалпы салмағы бір келіден асатын 113 капсуланы жұтып қойған.
Ақтау әуежайына келген кезде оны Ұлттық қауіпсіздік комитеті Маңғыстау облысы бойынша департаментінің қызметкерлері анықтады. Тыйым салынған заттар тәркіленді.
Қылмыстық істі Маңғыстау облысының қылмыстық істер жөніндегі мамандандырылған ауданаралық соты қарады. Жасөспірім есірткі контрабандасы, сондай-ақ оны өткізу мақсатында заңсыз сатып алу, сақтау және тасымалдау баптары бойынша кінәлі деп танылды.
