18 жастағы жігіт жолдасын пышақтап өлтірді

Қостанайда таңертең екі жігіт төбелесіп, біреуі жан тапсырды, - деп хабарлайды Arbat.media.

Қостанай облысы полиция департаменті аталмыш акпарды растады.

— Досжанов көшесіндегі ойын-сауық мекемелерінің бірінің жанында болған жанжалда 18 жастағы жігіт 22 жастағы қарсыласын пышақтап кеткен. Алған жарақатына байланысты ер адам оқиға орнында көз жұмды, — деп жауап берді полицияның баспасөз қызметі.

ҚР ҚК 99-бабының 1-бөлігі бойынша сотқа дейінгі тергеу басталып, сараптамалар тағайындалды.

Күдікті уақытша ұстау изоляторына қамауға алынды.