19 мамырда ауа райы қандай болады?

Мамандар 19 мамырға арналған ауа райы болжамын ұсынды, деп хабарлайды Arbat.media.

Қазақстанның басым бөлігінде жаңбыр жауып, найзағай ойнап, жел күшейеді. Соның ішінде республиканың орталығы, шығысы және оңтүстік-шығысында нөсер жауын жауып, дауыл соғады.

Ал елдің солтүстік-батысында, солтүстігінде және оңтүстік-батысында ауа райы негізінен жауын-шашынсыз болады.

Қызылорда, Түркістан, Жамбыл, Ақтөбе, Шығыс Қазақстан, Атырау, Алматы, Ақмола, Жетісу және Абай облыстарының бірқатар аймақтарында кенеттен өрт шығуы ықтимал.

Астанада күн ала бұлтты. Күндіз ауа температурасы +19+21°C, желдің жылдамдығы 5-10 м/с.

Алматыда жаңбыр жауады. Күндіз ауа температурасы +20+22°C, желдің жылдамдығы 3-8 м/с, найзағай ойнаған кезде желдің екпіні 15-20 м/с.

Шымкентте күн бұлтты. Күндіз ауа температурасы +26+28°C, желдің жылдамдығы 8-13 м/с.