718 компания 12 мың жұмыскерге зейнетақы жарнасын аудармаған

Алматы облысының прокуратурасы талдау жұмыстары барысында жұмысшылардың зейнетақы құқықтары бұзылғандығын анықтады. Жыл басынан бері Әлеуметтік кодекстің жаңа ережелері қолданысқа енгізілді, оған сәйкес жұмыс берушілер жұмыскерлердің табысының 1,5%-ын зейнетақы қорына қосымша төлеуге міндетті. 2028 жылға қарай бұл мөлшерлеме біртіндеп 5%-ға дейін көтеріледі, - деп хабарлайды Arbat.media.

«Жүргізілген талдау көрсеткендей, көптеген жұмыс беруші бұл өзгерістер туралы білмеген, атап айтқанда 718 компания 12 мың жұмыскерге зейнетақы қорына жарна төлемеген», деп түсіндірді облыстық прокуратура.

Қабылданған шаралар нәтижесінде компаниялар хабарландырылып, жұмыскерлердің зейнетақы құқықтары қалпына келтірілген.

Қазіргі таңда жұмыс берушілер зейнетақы қорына 120 млн теңгеден астам соманы аударғаны белгілі болды.