Көкшетауда кішкентай бала із-түзсіз жоғалып кетті
Көкшетауда полицейлер жоғалған баланы анасына аман-есен табыстады, деп хабарлайды Arbat.media.
Polisia.kz-тің мәліметінше, полицейлерге базар маңында бала жоғалғаны туралы хабарлама алған. Көрсетілген мекенжайға жедел жеткен тәртіп сақшылары көше бойында жылап тұрған баланы және оның жалғыз жүргенін, анасын іздеп жүргенін айтқан әйелді кездестірді. Жағдайға бірден үн қатқан полицейлер баланы сабырға шақырып, қызметтік көлікке отырғызды. Кейін олар базар аумағын бірге аралап шыққан.
Біраз уақыттан соң сабасына түскен бала анасымен жиі баратын дүкендерді еске түсіріп, полицейлерге айтып берді. Осы ақпаратқа сүйене отырып, тәртіп сақшылары сауда үйлерін аралап, анасын табуға шешім қабылдаған. “Бурабай” сауда үйінде баланы сатушылардың бірі танып, анасы оның тұрақты сатып алушысы екенін айтып, дереу байланысқа шықты. Полицейлер анасының келуін күтіп, баланы өз қолына табыстады.