Медициналық колледждерге түсу ережесі өзгерді
Қазақстанда медициналық колледждерге түсу ережесі өзгерді. Бұл туралы Денсаулық сақтау министрлігі мәлімдеді, деп хабарлайды Arbat.Media.
Елімізде медициналық колледждерге түсу үшін таңдалған мамандыққа байланысты екі пәннің біреуі бойынша арнайы емтихан енгізілді. Бұл енді стоматология мен ортопедиядан басқа барлық медициналық мамандықтарға түсушілер үшін міндетті болады.
"Емтихан бейіндік пәндер бойынша базалық білімді, сондай-ақ талапкердің мотивациялық деңгейін бағалауды қамтиды», деп хабарлады министрлік.
Ведомство мамандарды даярлау сапасына қойылатын талаптар президент жариялаған жұмысшы мамандықтар жылы аясында артып келе жатқанын атап өтті.
Емтихан тапсыру күндері, тапсырмалар және емтихан тапсыру ережелері сайттарда және колледждердің ақпараттық жүйелерінде хабардар етіледі.
