Қазақстанда ерлі-зайыпты есірткі өндірумен айналысқан

Қазақстанда синтетикалық есірткі өндірумен айналысқан ерлі-зайыпты Тбилисиде ұсталды, деп хабарлайды Arbat.Media.

Бұл туралы ішкі істер министрлігі мәлімдеді.

«Тергеу мәліметінше, ер адам 2023 жылдың қазан айынан 2024 жылдың ақпан айына дейін сыбайластарымен бірге Алматы облысында арнайы жабдықталған есірткі зертханасында синтетикалық есірткі өндірісін ұйымдастырып, химиктің рөлін атқарған», - делінген мәлімдемеде.

Сондай-ақ халықаралық іздеуде жүрген жұбайы да құрықталды.

Бүгінде күдіктілерді Қазақстанға экстрадициялау мәселесі қарастырылып жатыр.