Қазақстандықтар дербес деректерін жоюды талап ете алады

2 қазаннан бастап Қазақстанда дербес деректерді жою, анонимдеу және бүркемелеу ұғымдары заңнамада бекітіледі, деп хабарлайды Arbat.Media.

Енді азаматтардың дербес деректерін өңдеуге келісімі мына жағдайларда қажет болады:

деректерді шетелге беру кезінде;

ашық дереккөздерге жариялау кезінде;

үшінші тұлғаларға ұсыну кезінде.

Егер деректерді жинау немесе өңдеу заң талаптарына қайшы жүргізілсе, азамат оларды бұғаттауды, анонимдеуді немесе жоюды талап ете алады.

Сонымен қатар дербес деректер Қазақстан аумағында орналасқан дерекқорлар мен цифрлық нысандарда caқталуы тиіс.