ҚазАвтоЖол екі тасжолда су тасқыны анықталғанын хабарлады

21 наурызда сағат 18:41 шамасында Абай облысының «Қарағанды-Аягөз-Тарбағатай-Боғаз» тас жолы учаскесінің 767 және 834 шақырымдарында еріген сулардың тасқыны анықталды, оның ұзындығы 30 метр, ені 0,5 см, - деп хабарлайды Arbat.media.

«Көрсетілген аумақта су өтетін құбырлар қарастырылмаған. Қазіргі уақытта еріген суды ағызу жұмыстары жүргізілуде. Жол мен жол төсемінің бұзылу қаупі жоқ, көлік қозғалысы шектелмеген. Учаскеде 6 бірлік техника жұмылдырылып, тәулік бойы кезекшілік жүргізілуде», — делінген ақпаратта.

Бүгін күрделі жөндеу жұмыстары жүргізіліп жатқан «Ленин-Ақсу-Көктөбе-Б.Ақжар-Курчатов» автожолының 213 шақырымында екі жерден еріген судың тасуы тіркелді. Су тасқынының жалпы ұзындығы 10 м, биіктігі 0,5 см құрайды.