«Қазгидрометтегі» ауа сапасын бақылау стансаларының 70%-ы дұрыс жұмыс істемейді

Бас прокурордың аға көмекшісі Асхат Ауқатов Мәжілістегі дөңгелек үстелде Экология кодексінің нормалар жұмыс істемей тұрғанын айтты. «Экологиялық кодекстің қабылданғанына үш жыл болды, бірақ оның көптеген нормалары жұмыс істемейді. Мәселен, жергілікті атқарушы органдар әлеуметтік ластау көздеріне инвентаризация жүргізген жоқ. Олардың нақты санын ешкім білмейді. Ал бұл қаланың бас жоспары сияқты жергілікті орындаушылар үнемі пайдаланатын маңызды құжат. «Қазгидромет» те ауа сапасын жіті қадағалап отырған жоқ деуге болады. Автоматтандырылған бақылау стансаларының 70%-ы дұрыс жұмыс істемейді», - деді Бас прокуратура өкілі, - деп хабарлайды Arbat.media.

Оның сөзінше, елде өнеркәсіп қалдығын төгетін полигондар өте тапшы, - деп жазады Kazinform агенттігі. 

«2022 жылдың соңына қарай барлық ірі өнеркәсіп автоматтандырылған мониторинг жүйесін енгізуі керек болған. Олар шығарындылар туралы ақпаратты тікелей өндірістен ұлттық деректер банкіне онлайн беруді қамтамасыз етуге тиіс. Алайда бұл талап орындалмай отыр. Жүйе 50%-дан сәл астамға қосылған. Салдарынан жыл сайын елімізде 7 миллион тоннаға дейін қоқыс үйіліп қалады», - деді Асхат Ауқатов.