Рақымшылық аясында 1,3 мыңнан астам сотталған азамат босатылды

Қазақстанда жарияланған рақымшылық (амнистия) аясында соттарға 10 мыңнан астам материал жіберіліп, 1,3 мыңнан астам сотталған азамат босатылды, деп хабарлайды Arbat.Media.

Бұл туралы сәрсенбі күні Ішкі істер министрлігінде өткен баспасөз мәслихатында Қылмыстық-атқару жүйесі комитеті төрағасының бірінші орынбасары Нияз Рыспаев мәлімдеді.

Оның айтуынша, бүгінгі таңда соттарға 10 мыңға жуық ұсыныс жолданған, оның 4,4 мыңға жуығын қылмыстық-атқару жүйесі мекемелері, ал 6,9 мыңнан астамын пробация қызметтері дайындаған. Соттар 1 мыңнан астам материалды қарап, қылмыстық-атқару жүйесі мекемелерінен 620 адамды босатты. Оларға босатылғаннан кейін әкімшілік қадағалау белгіленеді. Сонымен қатар, пробация қызметінің есебінде тұрған 724 адам жазасын одан әрі өтеуден босатылып, 730 сотталғанның жаза өтеу мерзімі қысқартылды.