Тұрғын үй кешеніндегі өрт: Бір адам қаза тапты

Алматыдағы 13 қабатты тұрғын үй кешенінде өрт шығып, бір адам қаза тапқан, деп хабарлайды Arbat.Media.

Құтқарушылар баспалдақ арқылы 148 адам, оның ішінде тоғыз баланы эвакуациялаған. Төрт адам ауруханаға жеткізілді.

«Зардап шеккендердің бірі ес-түссіз күйде табылды. Оқиға орнына келген медицина қызметкерлері реанимациялық шаралар жүргізгенімен, әйелді құтқару мүмкін болмады», - делінген хабарламада.

Төтенше жағдайлар министрлігінің мәліметінше, өрттің шығуына кіреберістің техникалық бөлмесі мен қабаттарында кабельдердің, сондай-ақ тағы бір кіреберістің 7-13-қабаттарындағы электр қалқандарының жануы себеп болған. Ал төтенше жағдайдың кеш хабарлануы өрттің одан әрі өршуіне алып келген.