Қазақстан жаңалықтары

Заира Сабитова

30 қазан 2024

Ауылдарға бірыңғай цифрлық платформа енгізіледі

Ауылдарға бірыңғай цифрлық платформа енгізіледі. Бұл туралы Мәжіліс депутаттарының сауалына Премьер-Министр Олжас Бектеновтің жауабында айтылған. «Ауылдарды дамыту саласындағы мемлекеттік органдар арасындағы үйлестірудің тиімділігін арттыру мақсатында Үкімет 2023-2024 жылдарға арналған ауылдық аумақтарды дамыту тұжырымдамасын бекітті. Ол Ұлттық экономика министрлігінің үйлестіруімен іске асырылуда. Тұжырымдаманы іске асыру үшін нақты мерзімдер, орындаушылар және тағы басқалары айқындалып, 56 іс-шараны іске асыруды көздейтін Іс-қимыл жоспары әзірленді. Осылайша, тұжырымдаманы іске асыру аясында Үкімет орталық мемлекеттік және жергілікті атқарушы органдардың ауылдық аумақтарды дамыту және оларды одан әрі дамыту жөніндегі тәсілдерді әзірлеу бөлігіндегі қызметін үйлестіреді», - деді Үкімет басшысы. 

Қазақстан жаңалықтары

Заира Сабитова

30 қазан 2024

Қазақстанда мүгедектігі бар 700 мыңнан аса адам тұрады

2024 жылғы 1 қазандағы жағдай бойынша Қазақстанда мүгедектігі бар 732,1 мың адам тұрады. Ол халықтың жалпы санының 3,6%-ын құрайды, олардың 381,3 мыңы еңбекке қабілетті жастар.  ҚР Әлеуметтік кодексіне сәйкес жергілікті атқарушы органдар мүгедектігі бар адамдар үшін ауыр жұмыстардағы, еңбек жағдайлары зиянды, қауіпті жұмыстардағы жұмыс орындарын есепке алмағанда, жұмысшылардың жалпы санының 2-ден 4 %-на дейін (жалдамалы жұмыскерлердің жалпы саны кемінде 50 адам болған кезде) көлемде жұмыс орындарына квота белгілейді. Ағымдағы жылдың тоғыз айына квота шеңберінде мүгедектігі бар 5,4 мың адам жұмысқа орналастырылды. 

Қазақстан жаңалықтары

Заира Сабитова

30 қазан 2024

Қарағандыда құрылыс алаңында бір адам қаза тапты

Қарағандыда салынып жатқан көпқабатты үйде лифт құлап кетті. Салдарынан бір адам қаза тауып, тағы бір адам ауыр халде ауруханаға жеткізілді. Қайғылы оқиға Build Invest құрылыс компаниясы салып жатқан тұрғын үй кешенінде болған. Құрылыс алаңында лифт құлап, салдарынан екі адам зардап шегіп, оның беруі қаза болды. 

Қазақстан жаңалықтары

Заира Сабитова

30 қазан 2024

Тұрғын үй: Жаңа заң қандай мәселені шешеді

Мәжіліс депутаттары заңнамаға тұрғын үй саясатын реформалау бағытындағы өзгерістер мен толықтырулар енгізуді көздейтін заңды Сенат қосқан түзетулермен бірге қабылдады. Бұл заң арендалық пәтерде тұрып жүрген 51 мың адамның, тұрғын үй кезегінде тұрған 650 мың қазақстандықтың мүддесімен тікелей байланысты. Мәжілісте осы заң жобасымен айналысқан жұмыс тобының жетекшісі Ұлықбек Тұмашиновтың айтуынша,жаңа заң қолданыстағы заңнаманың 237 тұсына өзгеріс пен толықтыру енгізуі керек болған. Сенат оны өз тарапынан 4 позициямен толықтырыпты. Бірақ оның бәрі негізінен нақтылаушы сипатта. Яғни, Мәжіліс қабылдаған заңның тұжырымдамасы мен мазмұнын өзгертпейді. 

Қазақстан жаңалықтары

Заира Сабитова

30 қазан 2024

Назарбаев зияткерлік мектептеріне бөлінетін қаражат азайды

ҚР Оқу-ағарту министрі Ғани Бейсембаев Назарбаев зияткерлік мектептерінің оңтайлы тәжірибесі басқа мектептерге дұрыс бағыт беретінін айтты. «Былтырдан бері бөлінетін қаржы 20 млрд теңгеге қысқарды. Осы бағытта жұмыс атқарылып, барлық мәселе қарастырылып жатыр. Осы мектептердің тәжірибесін және осы оңтайлы тәжірибенің ел аумағындағы мектептерге таратылуын жоққа шығармаймыз. Назарбаев зияткерлік мектептері өз деңгейінде брендке айналды. Шетелдік мамандар осы мектептердің тәжірибесін зерделеп жатыр», - деді Ғ. Бейсембаев. 

Қазақстан жаңалықтары

Заира Сабитова

30 қазан 2024

Блогерлер 1,2 млрд теңге салық төледі

Елімізде ресми тіркелген 745 блогер бар. Биылғы жылдың 9 айында олар мемлекетке 1,2 миллиард теңгеден астам салық төлеген. Бұл туралы Мемлекеттік кірістер комитетінен мәлім етт. 

Қазақстан жаңалықтары

Заира Сабитова

30 қазан 2024

Спорт басқармаларының басшыларын арнайы комиссия тағайындайды

Президент Қасым-Жомарт Тоқаевтың тапсырмасына сәйкес, өңірлік спорт басқармаларының басшыларын тағайындау құзіреті жергілікті әкімдіктерден Туризм және спорт министрлігіне берілді. Осы мақсатта министрлік жанынан арнайы комиссия құрылды. Комиссия жұмысына министр Ербол Мырзабосынов жетекшілік етеді. 

Қазақстан жаңалықтары

Заира Сабитова

30 қазан 2024

Қайтыс болған донордың ағза мүшелері 4 адамның өмірін сақтап қалды

Шығыс Қазақстан облыстық ауруханасында қайтыс болған донордың ағза мүшелері төрт пациентке сәтті трансплантацияланды. Денсаулық сақтау министрлігінің мәліметінше, 39 жастағы донордың миы жұмысын тоқтатқаннан кейін туыстары келісіп, ағзалары төрт адамға берілген. Донордың жүрек, өкпе және екі бүйрегі мұқтаж науқастарға берілген. Мәселен, 1977 жылы туған ер адамға жүрек, 1962 жылы туған әйелге өкпе, 2015 жылы туған балаға бүйрек, ал 1966 жылы туған әйелге екінші бүйрек трансплантацияланған. 

Қазақстан жаңалықтары

Заира Сабитова

30 қазан 2024

Кенесары хан ескерткішінің іргетасы құлайын деп тұр

Қаланың Мәдениет басқармасы тарихи-мәдени мұраны сақтау мақсатында 2024-2025 жылдары Есіл өзенінің жағасында орналасқан Кенесары хан ескерткішін қайта жаңарту жоспарланғанын хабарлайды. Астана әкімдігі баспасөз қызметінің хабарлауынша, ғылыми-техникалық зерттеу нәтижелеріне сәйкес, нысан апатты деп танылды. Нысан іргетасының құлау қаупі бар. 

Қазақстан жаңалықтары

Заира Сабитова

30 қазан 2024

Саран қаласының әкімі қызметінен босатылды

Саран қаласының әкімі Еркін Баулықов қызметінен босатылды. Ол жайлы Қарағанды облысының әкімдігінде мәлім етті. «Қарағанды облысы әкімінің өкімімен Саран қаласының басшысы Еркін Баулықов қалада жылу беру маусымының басталуында олқылық жібергені үшін атқаратын қызметінен босатылды. Қала басшысы міндетін уақытша осыған дейін Саран қаласы әкімінің орынбасары болған Мақсат Қайрешов атқаратын болады», - деп мәлімдеді Қарағанды облысы әкімінің баспасөз қызметі.

Қазақстан жаңалықтары

Заира Сабитова

30 қазан 2024

Құлсарыдан Ресейге барған 120 оқушы демалысын жалғастыратын болды

Атырау облысындағы Құлсары қаласынан Ресейге барған 120 оқушы демалысын жалғастыратын болды. Олар «Қазақстан геологі» емдеу пансионатында 4 қарашаға дейін демалады. Бұл деректі Атырау облыстық білім беру басқармасының басшысы Марат Әбуов растады. Оның айтуынша, Жылыой ауданындағы су тасқынынан зардап шеккен отбасылардың 174 баласы аталған пансионатқа демалуға жіберілген. 

Қазақстан жаңалықтары

Заира Сабитова

30 қазан 2024

Ақтауда қыздың басына футбол қақпасы құлады

Оқиға 2-шағын аудан 71-үйдің жанындағы футбол алаңында болған. Зардап шеккен 11 жасап қыздың әжесі Тамара Бөлтекованың айтуынша, алаңда жөндеу жұмыстары жүргізіліп, темір қоршаулар әр жерде қалған. Немересінің басына бекітусіз тұрған футбол қақпасы құлаған.