Қазақстан жаңалықтары

Заира Сабитова

11 қазан 2024

Қазақстан мен Түрікменстан Трансауған дәлізін салады

ҚР Көлік министрі Марат Қарабаев Президенттің ресми сапары аясында бүгін Ашхабадта қол қойылған көлік саласына қатысты үкіметаралық келісімшарттар туралы пікір білдірді. Мемлекет басшысының ресми сапары аясында көлік саласында 4 құжатқа, 2 меморандум және 2 үкіметаралық келісімге қол қойылды. «Екі меморандумның бірі – Қазақстан және Түрікменстан аумағы арқылы әрі қарай Ауғанстанға қарай темір жол салу мәселесі, Трансауған арнайы көлік дәлізін салу. Екіншісі – Қазақстанның ашық аспан қағидасын қолдана отырып, Қазақстан мен Түрікменстан арасында тікелей әуе қатынасын ұйымдастыру», - деді М. Қарабаев. 

Қазақстан жаңалықтары

Заира Сабитова

11 қазан 2024

Мүгедектерге арналған бос жұмыс орындар жәрмеңкесі өтеді

18 қазан күні сағат 9:00-ден 20:00-ге дейін мүгедектігі бар адамдарға арналған бос жұмыс орындарының онлайн-жәрмеңкесі өтеді. Tanda Enbek платформасында түрлі бизнес бағыттар бойынша бос жұмыс орындары орналастырылады. Мүгедектігі бар адамдарға арналған бос жұмыс орындар жәрмеңкесін «Еңбек ресурстарын дамыту орталығы» АҚ мен «IteachMe» қоғамдық қоры бірлесіп ұйымдастырды. Ізденушілер жәрмеңкеге Enbek.kz платформасында тіркелгеннен/аккаунтқа кіргеннен кейін қатыса алады, мұны жәрмеңке өткізілетін күні тікелей жасауға болады. 

Қазақстан жаңалықтары

Заира Сабитова

11 қазан 2024

Шымкенттік жасөспірімдер ломбардты тонамақ болған ұрыны ұстады

Полицейлердің хабарлауынша, Рысқұлов көшесіндегі ломбардтардың бірінде бетперде киген белгісіз біреу жұмысшыларды тапаншаға ұқсас затпен қорқытып, 100 мың теңге талап еткен. Дәл сол уақытта ломбардта болған 18 жастағы жасөспірімдер басқыншының ойлағанын жүзеге асыруға кедергі жасаған. Олар сақшылар келгенше қылмыскерді ұстап отырған. 

Қазақстан жаңалықтары

Заира Сабитова

11 қазан 2024

Қазақстан АЭС салуға ақшаны қайдан алады

Ұлттық экономика вице-министрі Арман Қасенов атом электр станциясының құрылысын қаржыландыруға қатысты сұраққа жауап берді.  Арман Қасеновтың айтуынша, АЭС құрылысын бөліп төлеуге болады. 

Қазақстан жаңалықтары

Заира Сабитова

11 қазан 2024

«Ертіс орманы» резерватында ағаш ұрлығы 97 пайызға азайған

«Ертіс орманы» резерватында ағаштарды заңсыз кесу оқиғаларының күрт азайғаны тіркеліп отыр. Биыл жыл басынан орман ұрлығына қатысты небәрі бір факті анықталған.

Қазақстан жаңалықтары

Заира Сабитова

11 қазан 2024

Мемқызметкерлер қанша сый-сияпатты мемлекетке қайтарды?

ҚР Қаржы министрлігінің Мемлекеттік мүлік және жекешелендіру комитеті Kazinform агенттігіне қазақстандық мемлекеттік қызметшілерге қатысты сый-сияпат статистикасын ұсынды. Жыл басынан бері олар қарапайым азаматтардан алған 178 сыйлықты мемлекетке қайтарған. Заң бойынша сыбайлас жемқорлыққа қарсы шектеулері бар жауапты мемлекеттік қызметшілерге берілген сыйлықтар, сыйлық алынған күннен бастап немесе ол туралы белгілі болған күннен бастап 7 күнтізбелік күн ішінде мемлекеттік мүлік басқаруға уәкілетті органға өтеусіз түрде берілуі керек. Содан кейін бұл мүлік аукционда сатылады. 

Қазақстан жаңалықтары

Заира Сабитова

11 қазан 2024

Топ-менеджердің өлі денесі табылды: полицейлер күдіктіні ұстады

Алматыда із-түзсіз жоғалып кеткен 42 жастағы ер адамның мәйіті Іле ауданындағы Өтеген батыр ауылының шетінен табылды. Бұған дейін Lider.kz ұйымының еріктілері әлеуметтік желіде 42 жастағы Ермек Жақыпжановтың жоғалып кеткені туралы хабарландыру жариялаған болатын. Ол 9 қазан күні таңертең Масаншы көшесінің бойындағы үйінен Hyundai Genesis көлігімен шығып кетіп, қайтып оралмаған. Алматы облыстық полиция департаменті 10 қазанда Іле ауданы Өтеген батыр ауылының шетінде 42 жастағы ер адамның денесі табылғанын мәлімдеді.

Қазақстан жаңалықтары

Заира Сабитова

11 қазан 2024

Талғарда мерт болған жасөспірімнің әкесі үндеу жасады

Талғарда кісі қолынан құрбан болған Шерзат Болаттың әкесі Қаржаубай Нұрымов қазақстандықтарға үндеу жасады. «Құрметті қазақ елі! Сіздердің алдарыңызда басымды иемін. Көп-көп рахмет сіздерге. Мені қолдап, балам үшін қол ұшын беріп жатырсыздар. Мен Қонаев қаласының ішкі істер департаментінен келдім. Ол жерде іс оң жағынан қаралып жатыр. Бізге адвокаттар келіп көмектесіп жатыр. Марқұм болған Салтанаттың ағасының да көмегі бар, ол кісіге де алғысымды айтамын. Өтінішім бар, халқым. Ешқандай митингіге шықпаңыздар, қантөгіс болмасын. Мен бар жерде адамдар шоғырланса, сол сәтті менің дұшпандарым пайдалануы мүмкін. Көтеріліс жасап, мені аяқтан шалып, бауырыма қастандық жасауы мүмкін. Сол себепті халқым, өтініп сұраймын, ешқандай көтерілістің керегі жоқ. Мен тек заң аясында дұрыс, әділ шешім сұраймын. Артық ештеңе сұрамаймын», — деді Қаржаубай Нұрымов. 

Қазақстан жаңалықтары

Заира Сабитова

11 қазан 2024

Мектептерде стоматология кабинеті ашылады

Еліміздің ірі деген мектептерінде 2025 жылы стоматология кабинеттері ашылады. ҚР Оқу-ағарту министрінің шақыруымен ҚР Денсаулық сақтау министрі Ақмарал Әлназарова елордалық білім беру ұйымдарының директорларымен кездесті. Мақсат - екі жақты ынтымақтастық мәселелерін талқылау және балалар мен жасөспірімдердің денсаулығын жақсартуға бағытталған бірлескен жобаларды іске асыру, білім беру ұйымдарында медициналық қызметті ұйымдастыру, инклюзивті кабинеттер, сондай-ақ педагогтердің денсаулығын сақтау, психологтардың біліктілігін арттыру мәселелері. 

Қазақстан жаңалықтары

Заира Сабитова

10 қазан 2024

Денис Тенді өлтіргендерге қатысты сот үкімі өзгеріссіз қалды

Танымал спортшы Денис Тенді өлтіргендерге қатысты сот үкімі күшінде қалды. Бірінші сатыдағы соттың 2019 жылғы 17 қаңтардағы үкімімен А.Б.Құдайбергенов пен Н.Д.Қиясов алдын-ала сөз байласып, жәбірленуші Д.Теннің мүлкін жымқырғаны, ұрлық жасағаны, сондай-ақ, оны қасақана өлтіргені үшін кінәлі деп танылып, әрқайсысы 18 жылға бас бостандығынан айыруға сотталған болатын (ҚК-нің 192-бабы 2-бөлігінің 1), 4) тармақтары, ҚК-нің 188-бабы 2-бөлігінің 2) тармағы, ҚК-нің 99-бабы 2-бөлігінің 7), 8) тармақтары). 

Қазақстан жаңалықтары

Заира Сабитова

10 қазан 2024

Қазақстан мен Түрікменстан көпжақты стратегиялық серіктестікті тереңдету туралы декларация қабылдады

Қасым-Жомарт Тоқаев пен Сердар Бердімұхамедов Қазақстан Республикасы мен Түрікменстан арасындағы достықты нығайту және көпжақты стратегиялық серіктестікті тереңдету туралы декларация қабылдады. 

Қазақстан жаңалықтары

Заира Сабитова

10 қазан 2024

Ақтөбедегі 5 адам мерт болған жол апаты: Жүргізуші 5 жылға сотталды

Самара-Шымкент тасжолындағы жол-көлік апаты кезінде рульде болған жүргізуші — аудандық полиция бөлімінің қызметкері 5 жылға бас бостандығынан айырылды. Сотталушы сол жол апаты кезінде ата-анасы мен бауырларынан айырылды. Ақтөбе облыстық қылмыстық істер жөніндегі мамандандырылған ауданаралық сотында сотталушы соңғы сөзін айтып, кінәсін мойындады. Мемлекеттік айыптаушы 5 жылға бас бостандығынан айыруды сұрады, ал қорғаушы бұл жаза ата-анасы мен бауырынан айырылған сотталушы үшін қатаң деп есептейтінін жеткізді.