Спорт

Заира Сабитова

13 тамыз 2024

Баходир Жалолов әуесқой бокстан кететінін айтты

Парижде екі дүркін Олимпиада чемпионы атанған Өзбекстан боксшысы Баходир Жалолов әуесқой бокстан кететінін мәлім етті. «Мен өмірімнің 15 жылын әуесқой боксқа арнадым. Әр нәрсенің басталуы сияқты соңы да бар. Бұл күн де келді. Бұл ұзақ жолда көп сын мен сөз айтылды. Бәрінен дұрыс қорытынды жасап, күш жинадым. Ешқашан әуесқой бокста ақша үшін күреспедім. Олимпиадада өз елімнің туын жоғары көтеріп, алтын медалін жеңіп алуға тырыстым. Біздің қолымыздан келді. Осы жолда мені қолдағандарға, менің анама және менің барлық жаттықтырушыларыма алғыс айтқым келеді. Енді менің мақсатым - кәсіби бокста ең мықты болу. Менің ойымша, бұл жолды да сіздермен бірге өтеміз. Мен сіздерді қатты жақсы көремін», деп жазды Баходир Жалолов іnstagram-дағы парақшасында. 

Спорт

Заира Сабитова

13 тамыз 2024

Олимпиадада үздік алтылықтан көрінген спортшыларға қанша сыйақы беріледі

Парижде өткен Олимпиада ойындарында Қазақстан қоржынына 7 медаль түсті. Әр жүлде үшін спортшыларға берілген сыйақы мөлшері жарияланды. Заң бойынша алтын медаль алған ел спортшыларына 250 мың доллар, күміс үшін 150 мың, қола жүлде иегерлеріне 75 мың доллар сыйақы төленеді. Сонымен қатар 4, 5 және 6-орындар үшін де 30, 10 және 5 мың доллар беріледі.

Спорт

Заира Сабитова

12 тамыз 2024

Олимпиада туы Лос-Анджелеске табыс етілді

Олимпиада ойындарының жабылу салтанаты аясында Олимпиада туы 2028 жылы ойындарды қабылдайтын қалаға табыс етілді. 2024 жылғы Олимпиаданы ұйымдастыру комитетінің басшысы Тони Эстанге мен Халықаралық Олимпиада комитетінің президенті Томас Бах сөз сөйлегеннен кейін Олимпиада әнұраны шырқалды. Одан кейін Олимпиада туын тапсыру рәсімі өтті. 

Спорт

Заира Сабитова

12 тамыз 2024

Қырғыз Республикасы Парижде тарихи жүлдесіне қол жеткізді

Олимпиада ойындарында Қырғызстан құрамасы 2 күміс, 4 қола медаль иеленді. Бұл елден әйелдер күресінен Мейірім Жұманазарова мен боксшы Мұнарбек Сейітбекұлы күміс медаль еншілесе, грек-рим күресінен Жоламан Шаршенбеков, Ақжол Махмудов, Узур Жузупбеков, әйелдер күресінен Айсұлу Тыныбекова қола жүлдеге қол жеткізді. Өкінішке қарай, қырғыздар Олимпиада ойындарынан әзірге алтын медаль ала алмай келеді. Десе де, Парижде боксшы Мұнарбек Сейітбекұлы қырғыз тарихына бокстан алғашқы күміс жүлдені сыйлады. Ол алтынға бір қадам қалғанда Өзбекстанның қазіргі Азия және әлем чемпионы Абдумалик Холоковқа қарсы жекпе-жекте ұтылды. 

Спорт

Заира Сабитова

12 тамыз 2024

Қазақстан Олимпиада ойындарын жалпы есепте 43-орынмен аяқтады

Олимпиада ойындары мәресіне жетті. Нәтижесінде Қазақстан құрамасы жалпы есепте 43-орннан көрінді. Қазақстан құрамасы 1 алтын, 3 күміс, 3 қола медальға қол жеткізді. Олимпиданы Қазақстан құрамасы жеті медальмен аяқтады. Алтын жүлдені Олимпиаданың алғашқы күні ел қоржынына дзюдодан 60 келі салмақта Елдос Сметов сыйлаған болатын.

Спорт

Заира Сабитова

12 тамыз 2024

Өзбекстан Парижде Олимпиада тарихындағы ең үздік нәтижеге қол жеткізді

Олимпиада ойындарында Өзбекстан құрамасы тарихи жүлделеріне қол жеткізді. Олар Париж төрінен 8 алтын, 2 күміс, 3 қола медаль жеңіп алып, жалпы медальдар кестесінде 13-орынға қол жеткізді. Бұл –Өзбекстан құрамасындағы сегіз алтынның бесеуін боксшылар жеңіп алса, қалған үшеуін дзюдо, еркін күрес және таэквондодан сынға түскен спортшылар еншіледі. Алтынды бокстан Хасанбой Дусматов, Асадхуджа Муйдинхужаев, Лазизбек Муллажонов, Абдумалик Халоков, және аса ауыр салмақта Баходир Жалолов жеңіп алды. 

Спорт

Заира Сабитова

11 тамыз 2024

Қазақстандық спортшылар Олимпиадада жеті медаль жеңіп алды

Қазақстандық спортшылар Франция астанасы Париж қаласында өтіп жатқан Олимпиада ойындарын 1 алтын, 3 күміс, 3 қола медальмен аяқтады. Бүгін төрт жылдық доданың соңғы күні екі спорт түрінен екі спортшымыз сайысқа түскен болатын. Өкінішке қарай, екеуі де жүлделі орындарға қол жеткізе алмады. Осылайша Париж Олимпиадасы Қазақстан спортшылары үшін толығымен аяқталды. 

Спорт

Заира Сабитова

11 тамыз 2024

XXXIII Олимпиада: Қазақстан жалпы медальдар кестесінде төмен сырғыды

Олимпиада ойындарында Қазақстан құрамасы жалпы медальдар кестесінде төмен сырғып барады. Нақтырақ айтсақ, әзірге Қазақстан құрамасы 1 алтын, 3 күміс, 3 қола медальмен жалпы есепте 41-орынға түсті. Ал көш басын Қытай құрамасы бастап тұр. Олардың еншісінде әзірге 39 алтын, 27 күміс, 24 қола медаль бар. 

Спорт

Заира Сабитова

10 тамыз 2024

Қудалауға ұшыраған Иман Хелиф бокстан Олимпиада алтынын жеңіп алды

Қудалауға ұшыраған Иман Хелиф бокстан Олимпиада алтынын жеңіп алды. Әйелдер арасындағы бокс турнирінде Алжир өкілі Иман Хелиф жеңіске жетті. Жартылай орта салмақта (66 келіге дейін) финалда Хелиф қытайлық спортшы Лиу Янды бірауыздан (5:0) ұтты. 

Спорт

Заира Сабитова

10 тамыз 2024

Олимпиада: Боксшы Ләзизбек Муллажонов Өзбекстанға бесінші алтын әкелді

Боксшы Ләзизбек Муллажонов Өзбекстанға Париждегі Олимпиада ойындарындағы бесінші алтынын әкелді.

Спорт

Заира Сабитова

10 тамыз 2024

Қазақстан спортшыларының 10 тамыздағы жарыс кестесі

Париж Олимпиадасында 10 тамыз, сенбі күні қазақстандық олимпиадашылар спорттың төрт түрінен — еркін күрес, брейкинг, қазіргі бессайыс және велотректен бақ сынайды. 

Спорт

Заира Сабитова

9 тамыз 2024

Олимпиаданың он үшінші жарыс күнінің нәтижесі қандай

Париж Олимпиадасының он үшінші күні, яғни 8 тамызда қазақстандықтар спорттың 5 түрінен сынға түсті. Қазіргі бессайыс: Қазіргі бессайыстан әйелдер арасындағы семсерлесуден іріктеуде Елена Потапенко семсерлесуден кейін 200 ұпай жинап, 27-сатыға тұрақтады. Георгий Борода-Дудочкин алғашқы кезең семсерлесуде 170 ұпай жинады. Қазір ол 35-орында тұр.Байдарка мен каноэде есу: Каноэде 200 метрге ескек есуде Мария Бровкова жарысты аяқтады. Ол ширек финалда өз тобында 4-орын алды.Каноэде 500 метрге ескек есуден ерлер арасында А және В тобының финалында Сергей Емельянов пен Тимур Хайдаров жұбы В тобында мәреге үшінші жетті. Олар жұптық сынды жалпы есепте 11-сатыда аяқтады.Каноэде 200 метрге ескек есуде Мария Бровкова іріктеуде өз тобында мәреге бесінші жетті. Оның уақыт көрсеткіші — 48.43 секунд.Еркін күрес: Азамат Дәулетбеков (86 кг) алғашқы белдесуінде америкалық Аарон Маркел Бруксқа жол берді.