Талдықорғанда төбелес болып, оған қатысқандардың бірі пышақ жарақатынан көз жұмды, деп хабарлайды Arbat.Media.
24 мамырға қараған түні Талдықорған қаласындағы Paradise Villa қонақ үйінде өрт болып, сөндіру кезінде мекеменің 42 жастағы әйел әкімшісінің денесі табылды, деп хабарлайды Arbat.media.
Жетісу облысында балаларды тегін үйірмелерге қабылдау үшін ашылған портал небары 2 минуттан кейін жабылып қалған. Үйдегі ұл-қызын тіркей алмай қалған ата-аналар наразылықтарын білдірді. Жауаптылар жүйеде ақау жоқ деп отыр. DamuBala — 4 пен 17 жас аралығындағы балаларға арналған үйірмелерді іздеу және оларға жазылу платформасы. 28 қараша күні таңғы сағат 9:00–де порталдың ашылатыны жөнінде ата- аналарға алдын-ала хабарлама берілген. Бірақ 9:00–де ашылған портал 2 минут өтпей жабылып қалған. Мұның себебін сұрағандар облыс бойынша кезекте тұрған 2 мың бала толық тіркеліп үлгерді деген жауап алған.
Жетісу облысының Талдықорған қаласында Қазақстанның Халық суретшісі Әбілхан Қастеевтің ескерткіші орнатылды. Суретшінің 120 жылдығына орай қойылған қола мүсін Көркемөнер галереясының ауласына қойылды. Мерейтой шараға Жетісу облысының әкімі Бейбіт Исабаев, мемлекет және қоғам қайраткері Мырзатай Жолдасбеков, Қазақстанның Халық жазушысы Бексұлтан Нұржекеев, Қазақстан Суретшілер одағының басқарма төрағасы Өмірбек Жұбаниязов пен көрнекті қылқалам шеберінің қызы Гүлдария Қастеева және өзге де зиялы қауым өкілдері мен облыс жұртшылығы қатысты.
Жетісу облысындағы Қызылтас петроглифтерін жергілікті маңызы бар қорғалатын тарихи-мәдени нысандар тізіміне енгізу туралы тақта орнатылды. Экологтердің бастамасымен «Тасбақа» тас пен жартастағы петроглифтерді сақтау үшін ауқымды жұмыс атқарылды. Петроглифтер тұрған жерлерде диорит өндіруге тыйым салынған. Тарихи орында «Қызылтас – тасбақа» экологиялық акциясы ұйымдастырылды. Шараға шенеуніктер, қоғам белсенділері, эко-еріктілер қатысты.
Талдықорған төрінде халық әртісі, КСРО және Қазақстанның Мемлекеттік сыйлығының иегері, көрнекті театр және кино актрисасы Бикен Римова атындағы Халықаралық театр фестивалі өтеді.
Жетісу облысында 6 жасар бүлдіршінге азғындық іс-әрекет жасамақ болған ер адам іздестіріліп жатыр. Оның көпқабатты үйдің кіреберісінде кішкентай қыздың шалбарын шешпек болғанын және ауладағы басқа да қыздардың белі мен бөксесін ұстағанын сол маңдағы тұрғындар айтуда. Оқиға 22 қыркүйек күні Талдықорған қаласында болған. Тұрғындардың айтуынша 9-шағынаудандағы 21-үйдің кіреберісінде белгісіз еркек 6 жасар бүлдіршіннің шалбарын шешуге әрекет жасаған.
Жетісу облысында жедел іс-шара барысында заңсыз вейп сатпақшы болған екі ер адам ұсталды. 18 және 22 жастағы азаматтардың бірі тауарды жеткізіп беруші, екіншісі сатушы екені анықталды.
Қаладағы көпқабатты үйдің бірінде бір топ жігіт жасөспірімді өлімші етіп сабаған. Олардың бұл қылықтары бейнебақылау камерасына түсіп қалған. Әлеуметтік желіге тараған жайт ақпан айында болған. Әзірге видеоны кім жүктегені жөнінде ақпарат жоқ.