Медицина қызметкерлеріне «Кәсібі бойынша үздік» атағы берілмек

Медицина қызметкерлеріне «Кәсібі бойынша үздік» атағы берілмек. Денсаулық сақтау министрлігінің аталған атақты беруге қатысты ереже жобасы Ашық НҚА порталында жарияланды, - деп хабарлайды Arbat.media.

Бұл туралы Kazinform агенттігі жазады.

Атақ денсаулық сақтау саласындағы үздік жетістіктері үшін медицина қызметкерлеріне оларды ынталандыру және қолдау мақсатында беріледі. Медицина қызметкерлері атақты келесі номинациялар бойынша алады:

- «Үздік стационар дәрігері»,

- «Үздік алғашқы медициналық-санитарлық көмек дәрігері»,

- «Үздік жедел жәрдем дәрігері»,

- «Үздік ауыл дәрігері»,

- «Үздік провизор»,

- «Үздік денсаулық сақтау менеджері»,

- «Үздік медициналық жоғары оқу орны оқытушысы»,

- «Үздік санитарлық-эпидемиологиялық бейіндегі дәрігер»,

- «Үздік санитарлық-эпидемиологиялық сараптама маманы»,

- «Үздік денсаулық сақтаудағы әлеуметтік қызметкер»,

- «Үздік медицина колледжі оқытушысы»,

- «Үздік денсаулық сақтаудағы ғалым»,

- «Үздік стационар мейіргері»,

- «Үздік алғашқы медициналық-санитарлық көмек мейіргері»,

- «Үздік ауыл мейіргері»,

- «Үздік акушер»,

- «Үздік фельдшер».

Медицина қызметкеріне сол номинациядағы атақ 10 жыл ішінде бір реттен артық берілмейді.

«Кәсібі бойынша үздік» атағын беру конкурсына құжаттарды тапсыру сәтінде мынадай талаптарға сәйкес келетін қызметкерлер қатыса алады:

1) кемінде 10 жыл практикалық жұмыс өтілі бар дәрігерлер, фельдшерлер, акушерлер, мейіргерлер;

2) кемінде 10 жыл практикалық жұмыс өтілі бар денсаулық сақтаудағы әлеуметтік қызметкерлер;

3) кемінде 7 жыл практикалық жұмыс өтілі бар менеджерлер, провизорлар;

4) практикалық жұмыс өтілі кемінде 7 жыл санитариялық-эпидемиологиялық бейіндегі дәрігерлер мен мамандар;

5) педагогикалық/ғылыми жұмыс өтілі кемінде 7 жыл медициналық жоғары оқу орындарының, ҒЗИ, ҒО және колледждердің оқытушылары мен ғылыми қызметкерлері.

Ереже тәртібімен мына сілтеме арқылы таныса аласыздар.