Placeholder
Фото: info.homsters.kz
Қазақстан жаңалықтары21 сәуір 2024, 15:00

«Отау» бағдарламасының шарттары өзгерді

Қазақстандағы жаңа ипотекалық бағдарлама «Отаудың» шарттары өзгерді. Енді ел азаматтары аттарында жер телімі, үйдің ортақ үлесі тіркелген болса да үй алуға өтініш бере алады, - деп хабарлайды Arbat.media.

Бұған дейін тұрғын үйге жатпайтын жылжымайтын мүлкі, ортақ жекешелендірілген тұрғын үйдегі үлесі, жер телімі бар азаматтардың өтініштері кері қайтарылып отырған.

Енді «Отау» ипотекалық бағдарламасы аясында осы санатқа жататын тұрғындар да үй алуға өтініш бере алады.

«Осы уақытқа дейін бағдарламаға қатысушы мен оның отбасы мүшелерінің соңғы 5 жыл ішінде жылжымайтын мүлікке иелік етпегені туралы мәселе мемлекеттік деректер базасымен интеграцияның арқасында жүйемен автоматты түрде тексеріліп келді. Бірақ бұл жағдайда олар жылжымайтын мүліктің бар-жоғы туралы тек оң немесе теріс жауап берді. Тұрғын және тұрғын емес жылжымайтын мүлік туралы немесе азаматта ақпараттың аз ғана бөлігі бар-жоғы туралы ақпарат болған жоқ. Сондықтан автотұрағы, қоймасы, шаруа қожалығы үшін жер телімдері немесе жекешелендірілген ортақ тұрғын үйдегі үлесі бар көптеген қазақстандықтар «Отау» бағдарламасына қатысуға өтініш берген кезде бас тартылды. Енді олардың қайта өтініш беруге мүмкіндігі бар, делінген «Отбасы» банкі таратқан хабарламада.

Банк барлық шарттарды адамдар арқылы тексеру функциясын да қосқан.

Бағдарлама бойынша 22 сәуірден бастап 30 сәуірге дейін, сағат 9:00-21:00 аралығында Baspana Market порталы арқылы өтініш қабылданады.

«Отау» бағдарламасын несиелендіру шарттары:

Бастапқы жарна - 20 пайыздан бастап;Несие мөлшерлемесі - 9, 2 пайыздан 11, 8 пайызға дейін;Несие мерзімі - 19 жылға дейін.

 

Отау бағдарлама шарт Өзгеріс

Тақырыпқа жаңалықтар