Армения мен Әзірбайжан бейбіт келісім жасасуға ниетті

Армения мен Әзірбайжан бейбіт келісім жасасуға ниетті, - деп хабарлайды Arbat.media.
 
Елдер тұтқынға алынған бірнеше әскери қызметкерлерді босатып, бір-біріне басқа да «ізгі ниет қимылдарын» жасады.

Баку мен Ереван егемендік пен аумақтық тұтастық принциптерін құрметтеуге негізделген бітімгершілік шарт жасаспақшы екенін растады.
 
Еуропалық кеңес басшысы Шарль Мишель екі ел арасындағы келісімді және оның арасындағы «бұрын-соңды болмаған саяси диалогтың ашылуын» құптады.

Армения мен Әзірбайжан арасында негізінен этникалық армяндар тұратын Таулы Қарабақ үшін ондаған жылдар бойы қақтығыс жүріп келеді.

2023 жылдың қыркүйегінде Әзірбайжан әскері Қарабақты өз бақылауына қайтарды.